![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Në themelet e kalasë së vjetër të Durrësit, në afërsi te Torrës Veneciane, pikërisht pas vendit ku ndodhet busti i skulptorit Sabri Tuci, po kryhen sondazhe arkeologjike nga një ekip arkeologësh.
Tesheshi.com mësoi se këto sondazhe po kryhen nga një ekip i përbashkët i arkeologëve shqiptaro – francezë.
Punimet që janë kryer këto ditë, janë pjesë e një pune të bashkërenduar që po bëhet në kuadër të projektit arkeologjik “Topografia e Epidamne-Dyrrachion”, një bashkëpunim i frutshëm mes Institutit Arkeologjik Shqiptar dhe Universitetit Lyon 2, financuar nga Ministria e Punëve të Jashtme Franceze.
Bashkëdrejtuesi i projektit, arkeologu Eduard Shehi, bën me dije se prej disa vitesh në sezonin e verës janë kryer sondazhe të tilla.
Aktualisht, thekson Shehu,”sondazhi po vijon pranë mureve fortifikuese të Durrësit, për të saktësuar nëpërmjet tij fazat e ndryshme ndërtimore të këtyre fortifikimeve”.
“Puna është në vazhdim. Deri tani punimet kanë shkuar deri në reth 2.5 metër thellësi, por kanë dalë si problem ujrat e shumta që kanë shpërthyer në zonën e sonduar. Pas verifikimeve të bëra nga Ujesjellësi i Durrësit është mësuar se këto janë ujëra që nuk kanë lidhje me rrjetin e furnizimit me ujë të qytet. Prandaj dyshohet se i përkasin strukturave argjilore ujembajtëse të kodrave të qytetit që zbresin deri në këtë zonë ku dhe kanë shpërthyer. Ujrat kanë penguar seriozisht gërmimet pasi burimi i sapogjetur, nën themelet e kalasë, ka një debit të madh prurjesh që dalin nga nëntoka, megjithëse po punohet për të thithur ujin me pompa të fuqishme”- sqaron ai për tesheshi.com.
Sipas Shehut, ky është një projekt 5-vjeçar shqiptaro-francez që do të vijojë edhe në vitet në vazhdim./tesheshi.com/
