Ardita Sinani nga Partia për Veprim Demokratik e Riza Halimit, është zgjedhur kryetare e kuvendit komunal të Preshevës në seancës konstituive.
Sinani është femra e parë në Preshevë që do të udhëheqë kuvendin lokal të këtij qyteti.
Duke folur për mediat serbe, ajo u shprehur se ndihej e shumë e lumtur për përzgjedhjen e saj në këtë post, por në të njëjtën shtoi se ndjen përgjegjësi të madhe ndaj bashkëqytetarëve të saj.
“Jam shumë e kënaqur që u zgjodha kryetare, por më së shumti ndiej përgjegjësi ndaj gjithë qytetarëve të Preshevës. Dëshiroj të respektoj ligjin dhe të punoj sa më mirë që është e mundur. Dëshiroj të përçoj barazi në punën time ndaj gjithë qytetarëve, si dhe ndaj të gjithë asambleistëve në kuvend, gjithmonë për të mirën e gjithë komunitetit”, ka thënë Ardita në fjalët e para të saj pas zgjedhjes.
Znj. Sinani tha se ekonomia është problemi më i madh për atë qytet, andaj shpreson të ketë bashkëpunim dhe ndihmë nga qeveria e Serbisë, pa rolin pozitiv të së cilës nuk mund të ketë përmirësim të jetës në këtë qytet, siç gjykon ajo.
“Të gjithë e dimë se Presheva është qyteti më pak i zhvilluar në Serbi dhe ka një shkallë të lartë të papunësisë. Ky është problemi i parë që duhet ta zgjidhim”, tha ajo.
Ndër të tjera problem me të cilat pret të ballafaqohet gjatë mandatit të saj, ajo numëron tekstet shkollore në gjuhën shqipe; e pastaj bursat për studentët nga Presheva të cilët studiojnë në Prishtinë, Tiranë, Tetovë e qytete tjera.
Për përzgjedhjen e saj për kryetare të kuvendit, qytetarët e Preshevës shprehen të kënaqur. Madje ka prej atyre të cilët e quajnë “znj. Clinton e dytë e politikës në trevat shqiptare”. Ajo përshkruhet nga bashkëqytetarët e saj si një femër e aftë dhe e zonja ta çojë Preshevën përpara.
“Mendojmë se është mirë që u zgjodh një kryetare femër, por çdo gjë varet vetëm nga partia”, komentojnë disa nga qytetarët e Preshevës.
Në zgjedhjet lokale, Ardita Sinani ishte pjesë e listës së PVD, partisë së ish-deputetit Riza Halimi.
PVD do të qeverisë në koalicion me Alternativën për Ndryshim, e cila ka fituar 11 mandate, e që sipas marrëveshjes kryetar i komunës u zgjodh Shqipërim Arifi i Alternativës.
Ardita Sinani është profesore e informatikës në gjimnazin e Preshevë.
Në politikë ajo është përfshirë që para 10 vitesh.
“Dëshira ime është që Presheva të jetë vend i mirë për jetesë; që fëmijët tanë të studiojnë jashtë, dhe kur të kthehen sërisht në qytetin e tyre, diturinë e përftuar ta investojnë në zhvillimin e këtij vendi”, thekson Ardita.
Marrë nga B92 – /tesheshi.com/
