Lojtari më i mirë për momentin në futbollin turk, përfaqësuesi më i spikatur i tij në arenën ndërkombëtare, ndërsa luan për Barcelonën, ka reaguar ndaj shpërthimit të mbrëmshëm në aeroportin Ataturk të Stambollit.
Ja ç’shkruan ai në faqen e tij në median sociale:
“Përsëri shpirtrat tanë u dogjën! Ngushëllimet Turqia ime! Mallkuar qofshin ata që u bënë shkak për këtë dhimbje!”
I kritikuar fort për atë paraqitje të dobët në Europian, Arda Turan mbetet gjithsesi një prej figurave më të dashura të publikut turk.
Fjala e tij ka peshë në mjedisin publik, pasi ai ka fituar admirim me sjelljen e përkorë.
Reagimi i tij është mes shumë të tillëve nga figura në fusha të ndryshme të jetës sociale në Turqi, që kanë si emërues të përbashkët dënimin e ashpër të aktit terrorist që la më tepër se 40 të vdekur e qindra të plagosur. /tesheshi.com/
