Në Kalabri jetojnë prej shekujsh një komunitet shqiptar që quhen arbëreshë. Ata kanë shumë lidhje me Kosovën, madje në periudhën e komunizmit arbëreshët e Italisë punonin me Universitetin e Prishtinës mbi gjuhën dhe shkimtarët që ishin të ndaluar në Tiranë nga regjimi.
Por, përveç katedrave universitare që kanë bashkëpunim të rregullt dhe çdo vit zhvillojnë simpoziume e seminare, një komunë në zonën e Kalabrisë i ka kërkuar qeverisë së Kosovës që të binjakëzohet me komunat e Lipjanit dhe Fushë Kosovës.
Kjo padyshim pa arsyet e saj, sepse në të dy komunat ka minoritete etnike dhe marrëdhëniet në këto zona janë shumë normale.
Arbëreshët duan të promovojnë më shumë këtë bashkëpunim dhe të japim modelin e tyre të bashkëjetesës me italianët.
Komuna e Frascinetos në Kalabri të Italisë është përgjigjur pozitivisht kërkesës së Qeverisë së Kosovës për një bashkëpunim më të madh, sidomos në planin ndërkomunal përmes binjakëzimit. Kjo, kërkesë ishte shprehur nga ministrja për dialog Edita Tahiri dhe sekretari i përgjithshëm i Ministrisë së Administrimit dhe Pushtetit Lokal gjatë vizitës tyre në Frasncineto në Italisë.
Në shkresën zyrtare që komuna e Frascinetos ia ka dërguar Qeverisë së Kosovës, ata bëjnë të ditur se Kuvendi komunal i Frascinetos ka votuar pro binjakëzimit me komunat e Fushë Kosovës dhe Lipjanit dhe shprehin gatishmërinë për të vazhduar me procedurat e binjakëzimit.
