Autoritetet e Arabisë Saudite njoftuan se do të dërgojnë astronautin e tyre të parë femër në Stacionin Ndërkombëtar të Hapësirës (ISS) gjatë tremujorit të dytë të këtij viti.
Një deklaratë nga Komisioni i Hapësirës Saudite tha se Rayyanah Barnawi dhe Ali AlQarni do t’i bashkohen ekuipazhit të misionit hapësinor AX-2 me qëllim të forcimit të aftësive të vendit në fluturimet hapësinore njerëzore që synojnë t’i shërbejnë njerëzimit.
Gjithashtu thuhet se misioni hapësinor do të fillojë me ngritjen nga SHBA, transmeton Anadolia.
Programi i fluturimeve njerëzore të Arabisë Saudite përfshin trajnimin e dy astronautëve të tjerë, Mariam Fardous dhe Ali Al Ghamdi.
Rritja e interesit të vendeve të Gjirit
Vendet e Gjirit po tregojnë një interes në rritje për eksplorimin e hapësirës.
Në dhjetor të vitit të kaluar, eksploruesi i hapësirës nga Emiratet, Rashid Rover u nis për në Hënë me një anije kozmike japoneze në një mision pesë-mujor.
Në shtator, Komisioni i Hapësirës Saudite nisi një program astronautësh, me qëllim trajnimin e personelit saudit për fluturime hapësinore me kohëzgjatje të gjatë dhe të shkurtër dhe pjesëmarrje në ekspedita shkencore dhe misione të ardhshme. /tesheshi.com/
