Apple është zotuar të japë 2.5 miliardë dollarë gjatë dy viteve të ardhshme për të ndihmuar në adresimin e krizës së strehimit që po godet Kaliforninë.
Oferta e prodhuesve të iPhone është në vazhdën e iniciativave të ngjashme, me Facebook dhe Google, duke premtuar 1 miliard dollarë secila.
“Para se bota të dinte për Silicon Valley dhe shumë kohë para se të rrethoheshim nga teknologjia, kjo zonë ishte djepi i Apple dhe ne ndiejmë një detyrë qytetare që njerëzit të mund të jetojnë këtu, të krijojnë familje dhe të kontribuojnë në komunitet”, tha presidenti i kompanisë, Tim Cook.
Apple tha se afërsisht 30,000 njerëz u larguan nga San Francisko nga prilli deri në qershor 2019 për shkak të pamundësisë së tyre për të gjetur një apartament të përballueshëm.
Sasia e pagave të paguara nga kompanitë e teknologjisë, shpesh përmendet si një nga shkaqet e krizës së strehimit në Kaliforni.
Marka me logon e mollës planifikon të favorizojë “mësuesit, zjarrfikësit, punonjësit e shpëtimit dhe punonjësit e tjerë të shërbimit”, të cilët po e kanë shumë të vështirë të futen në një apartament në një qytet ku qiratë janë bërë stratosferike.
“Në bashkëpunim me ekspertë, ne kemi përgatitur një plan për të adresuar të gjitha aspektet e sfidave të paraqitura nga kjo krizë, nga nevoja e madhe për strehim, për të ndihmuar familjet e reja dhe të pamudurit”, tha Lisa Jackson, zyrtare e nismave shoqërore në Apple. /tesheshi.com/
