Shefja e Bashkimit Evropian për Kosovën, Natalia Apostolova, i është kundërpërgjigjur presidentit Thaçi pas akuzave të tij drejtuar zyrtarëve të Brukselit për mungesë vizioni e guximi, dhe se kriteri i demarkacionit është vendosur padrejtësisht në momentet e fundit.
Apostolova thotë se politikanët në mënyrë të përsëritur kanë dështuar ta ratifikojnë Marrëveshjen e Demarkacionit me Malin e Zi, prandaj përgjegjësia është e tyre, e jo e BE-së.
Gjatë një bisede për “Kohën Ditore”, Apostolova ka theksuar se fushata parazgjedhore po shfrytëzohet nga politikanët për të shmangur vëmendjen, duke kërkuar “kurban” diku tjetër.
Kujtojmë se përfaqësuesit ndërkombëtarë, gjatë vizitave që kanë bërë në Kosovë, në vazhdimësi kanë thënë se Demarkacioni është kusht për liberalizimin e vizave, por ka edhe të tillë që thonë se, edhe nëse ratifikohet kjo marrëveshje, nuk sigurohet se hiqen vizat për kosovarët. /tesheshi.com/
