Qeveria e Serbisë ka ndaluar zhvillimin e ndeshjes së reprezentacionit të hendbollisteve të reja të Kosovës me atë të Serbisë të paraparë të luhet për sot me fillim në orën 16:00. Këtë e ka konfirmuar ministri serb i Punëve të Brendshme, Nebojsha Stefanoviç, i cili ka dhënë arsyet për këtë vendim.
“A kemi mundur që të organizohemi që të mbahej kjo ndeshje? Gjithsesi. Cili do të ishte çmimi? Konflikti ndërmjet popullit tonë dhe policisë për gjërat në të cilat nuk besojnë dhe që janë në kundërshtim me interesat tona. Për këtë arsye nuk jemi të gatshëm që policia t’i rrah njerëzit që të mbahej ndeshja, e cila është në dështimtim me qëndrimet tona”, ka deklaruar ai.
Ndalmi i ndeshjes vjen për shkak të tensioneve të mëdha të krijuara para fillimit të ndeshjes.
Tifozë të shumtë të Cërvena Zvezdës janë të pranishëm para qendrës në të cilën do të zhvillohej përballja.
Përreth kësaj qendre janë 1800 policë të angazhuar për sigurinë e hendbollisteve të Kosovës. /tesheshi.com/
