Në një deklaratë nga Departamenti i Shtetit si reagim pas anullimit me shtyrje të Samitit të Parisit, planifikuar më 1 korrik, thuhet se “Beogradi dhe Prishtina duhet të heqin pengesat, të shmangin provokimet dhe të kthehen në negociata”.
“Ne jemi të gatshëm të dëgjojmë dhe të ndihmojmë të dyja palët dhe BE-në si një ndërmjetës për të gjetur një zgjidhje që të gjithë pajtohen”, u tha në një deklaratë në DASH, raporton VOA në serbisht.
Nga ana tjetër, senatori Ron Johnson, Kryetar i Nënkomitetit për Evropën dhe bashkëpunimin rajonal të sigurisë në Komitetin e Senatit për Punë të Jashtme, tha në një deklaratë ishte “i zhgënjyer se Samiti në Paris nuk mund të mbahet.”
“Arritja e një marrëveshjeje sa më shpejt të jetë e mundur duhet të kontribuojë në stabilitetin e Serbisë, Kosovës dhe të gjithë rajonit. Unë shpresoj se udhëheqësit në Beograd dhe Prishtinë të takohen së shpejti për të vazhduar negociatat dhe të vazhdojë të punojë drejt arritjes së një marrëveshjeje”, theksoi senatori Johnson. /tesheshi.com/
