Ministri i Punëve të Jashtme Hashim Thaçi e ka zyrtarizuar njohjen nga shtetet Antigua dhe Barbuda. Ai përmes rrjetit social Facebook ka treguar për këtë njohje duke e konsideruar si të rëndësishme.
“Lajm i shkëlqyer! Sapo morra njoftimin zyrtar për njohje nga shteti karaibian i Antigua dhe Barbuda. Njohja e Republikës së Kosovës nga shtetet dhe organizatat ndërkombëtare nuk ka të ndalur. HTH”, ka shkruar Thaçi.
Kjo është njohja e parë që nga ardhja në pozitën e Hashim Thaçit në pozitën e Ministrit të Jashtëm.
Kjo është njohja e 109 për shtetin e pavarur të Kosovës, edhe pse ka interpretime të ndryshme në lidhje me numrin e saktë të njohjeve dhe këtë konfuzitet e shton edhe më shumë ueb-faqja e Ministrisë së Jashtme e cila nuk freskohet shpesh.
Aktualisht në këtë faqe figurojnë vetëm 96 njohje, ku njohja e fundit daton me 28 nëntor 2012.
