Ashtu siç kishin paralajmëruar, një pjesë e komunitetit të gazetarëve dhe shoqërisë civile, protestuan para parlamentit për të kundërshtuar një paketë të quajtur “anti-shpifje”, që sipas tyre është një tentativë e qeverisë për të ngushtuar hapësirën e lirisë së mendimit.
Ankesat e tyre janë dy:
-Nuk mund të ketë regjim rregullimi administrativ për median online, por regjime të tilla janë të pranueshme por jo të detyrueshme vetëm për median audiovizuale.
-Një institucion administrativ si AMA nuk mund të zëvendësojë gjykatat në shqyrtimin e ankesave ndaj përmbajtjes së një publikimi.
Ndërsa nga ana tjetër, qeveria pretendon se ligji tenton të disiplinojë tregun e mediave online, pasi shumë portale janë të paregjistruara, pa iu ditur as pronari e as financimet.
Ligji në fjalë ka hasur kundërshti dhe nga disa zëra ndërkombëtarë, ku në fillim qe OSBE-ja e cila e konstestoi. Por kjo e fundit pretendon se pas një viti partneritet me qeverinë, ligji duhet të kalojë. /tesheshi.com/
