Afrimi i natës i ka gjetur grupet e shpëtimit në Durrës e Thumanë duke kërkuar ende nën rrënoja, pasi mendohet se nën to ndodhen dhe rreth 20 jetë njerëzore. Kërkimet do vijojnë paçka natës, me shpresën e vagullt për ndonjë të mbijetuar.
Ndërkohë, me qindra njerëz kanë vendosur ta kalojnë natën jashtë, nën ankthin e një tjetër tërmeti, shtuar akoma më shumë në kushtet e një bilanci me viktima, gjë që ndodh pas shumë dekadash, që nga tërmeti i vitit 1979 në zonën e Shkodrës.
Atyre po u ofrohen çadra për strehim, si dhe batanije gjithashtu, për t’ju mundësuar një kalim të lehtë të orëve të natës nën qiell. /tesheshi.com/
