NATO dhe Komisioni Evropian njoftuan të Shtunën se po kontrollojnë sistemet e tyre të IT pas një sulmi të madh kibernetik ndaj agjencive qeveritare të SHBA, për të cilat Uashingtoni akuzon Moskën.
“Në këtë fazë, ne nuk kemi gjetur ndonjë provë që siguria e ndonjë rrjeti të NATO-s është komprometuar,” i tha AFP një zyrtar i NATO-s. “Ekspertët tanë vazhdojnë të studiojnë situatën për të identifikuar dhe zvogëluar të gjitha rreziqet e mundshme për rrjetet tona.”
Microsoft njoftoi të enjten mbrëma se ka njoftuar më shumë se 40 klientë të prekur nga softueri pirat, duke shtuar se shumica e tyre janë të vendosura në Shtetet e Bashkuara.
Ndër vendet e prekura janë Belgjika, ku ndodhen selitë e NATO-s, Kanadaja dhe Mbretëria e Bashkuar.
Hakerat arritën të kompromentojnë softuerin Orion të kompanisë amerikane SolarWinds, i cili përdoret për të menaxhuar dhe monitoruar rrjetet e informacionit të kompanive ose administratave të mëdha.
Një zyrtar i NATO-s tha se organizata përdor softuerin SolarWinds në disa prej sistemeve të saj të informacionit.
“NATO gjithashtu ka një ekip IT të përgjigjes së shpejtë që mund të aktivizohet në çdo kohë dhe qendra jonë e operacioneve në hapësirën kibernetike po funksionon normalisht,” tha zyrtari, i cili dëshironte të mbetet anonim.
Shtetet e Bashkuara akuzojnë Rusinë
Komisioni Evropian i tha AFP se i vetmi softuer SolarWinds që ata përdorën “nuk u prek nga incidenti”, por shërbimet e tij ishin “duke analizuar situatën”.
Të premten SHBA akuzoi Rusinë se ka të ngjarë të jetë përgjegjëse për një sulm të madh kibernetik. Rusia e ka mohuar këtë.
Sekretari i Shtetit Mike Pompeo tha se ishte e qartë se Rusia ishte pas sulmeve të hakerave në SHBA, të cilat një zyrtar amerikan i quajti më të këqijtë në historinë e vendit.
Sipas John Dickson, i firmës së sigurisë Denim Group, shumë kompani private potencialisht të prekshme po bëjnë gjithçka që munden për të rritur masat e sigurisë, deri në shqyrtimin e rindërtimit të serverit.
“Eshtë aq e madhe sa të gjithë tani po vlerësojnë dëmin,” tha ai. /tesheshi.com/
