Vrasjet e paligjshme dhe të pandëshkuara në Filipine, vazhdojnë dhe pas tre viteve të luftës kundër drogës, ndërsa shteti nuk ka treguar dëshirën për të hetuar veprimet e policisë, komenton Reuters.
Amnesty International, në një raport të titulluar “Ata thjesht vrasin” ka dërguar një ankesë në Këshillin e Kombeve të Bashkuara për të Drejtat e Njeriut për të miratuar një rezolutë, në të cilën të bëhet thirrje për një hetim në Filipine, ku ekzekutimet e paligjshme dhe brutaliteti i policisë, thuhet se është bërë “rrezik i përbashkët.”
Numri i saktë i të vrarëve nga kjo luftë e shpallur nga president Rodrigo Duterte kundër drogës nuk mund të përcaktohet, por Reuters thotë se janë vrarë disa mijra në afro 6.000 operacione.
Qeveria ka hedhur poshtë në mënyrë të përsëritur akuzat se policia vrau përdoruesit e drogës dhe tregtarët dhe theksoi se familjet e të vdekurve mund të paraqesin një padi kundër policisë. /tesheshi.com/
