Shtëpia britanike Sotheby’s shiti në ankand një portret të rrallë të Sulltanit Osman Sulejman të Madhërishëm për 350,000 paund (rreth 481,320 dollarë).
Një ankand i quajtur “Bota Islame dhe Arti Indian” u mbajt në platformën online përmes ofertave telefonike dhe blerësve të interesuar iu ofrua një koleksion prej gjithsej 183 sendesh të vlefshme.
Nën numrin serik 60, me një çmim fillestar prej 60,000 paund (82,500 dollarë), u ofrua një portret i rrallë i Sulltanit Osman Sulejman të Madhërishëm. Portreti i shekullit të 16-të u shit për 350,000 paund.
Identiteti i blerësit nuk u zbulua, por u njoftua se ai përfundimisht do të paguante 438,000 paund për atë portret, me të gjitha taksat e nevojshme.
Në të njëjtën kohë, një portret i princeshës osmane Mihrimah Sultan, i cili ishte vajza e Sulltan Sulejmanit të Madhërishëm dhe gruas së tij Hurrem Sulltanit, u shit në ankand për 60,000 paund. Dhe ky portret konsiderohet një art i rrallë nga fillimi i shekullit të 17-të. /tesheshi.com/
