Angli: si përfunduan në një stacion autobusi dokumente sekrete ushtarake

Dokumente sekrete të Ministrisë së Mbrojtjes në lidhje me çështje të rëndësishme ushtarake u gjetën në stacionin e autobusit në juglindje të Anglisë, raportuan mediat britanike.

Dokumentet, të përbërë nga rreth 50 faqe, u gjetën nga një qytetar në stacionin e autobusëve në qytetin e Kent, i cili kontaktoi BBC.

Dokumentet gjithashtu përmbanin detaje në lidhje me reagimin e Rusisë ndaj kalimit të një anijeje të Marinës Mbretërore përmes ujërave të Ukrainës të mërkurën e kaluar, e cila u raportua nga media në të gjithë botën.

Gjithashtu u përmend edhe prania e mundshme ushtarake e Mbretërisë së Bashkuar në Afganistan pas tërheqjes së NATO-s, e udhëhequr nga SHBA në fund të kësaj vere.

Ministria tha se punonjësi kishte informuar zyrtarët për humbjen e dokumenteve, duke shtuar se do të ishte “e papërshtatshme për të bërë komente shtesë”.

BBC, e cila mori informacion konfidencial, thotë se dokumentet, të cilat përmbajnë e-mail dhe prezantime të PowerPoint, vijnë nga zyra e një zyrtari të lartë të ministrisë. /tesheshi.com/