Ministri i Jashtëm turk Hakan Fidan dhe Sekretari i Shtetit i SHBA Marco Rubio theksuan rëndësinë e stabilitetit të Bosnjes për rajonin më të gjerë të Ballkanit në një takim të lartë mes tyre në Uashington të martën.
Në takimin në Departamentin e Shtetit u diskutua për sigurinë dhe bashkëpunimin rajonal, me vëmendje të veçantë zhvillimet në Ballkan.
Ministrat e Jashtëm të dy vendeve theksuan gjithashtu rëndësinë e bashkëpunimit me qeverinë siriane.
“Të dyja palët theksuan rëndësinë e bashkëpunimit me qeverinë siriane dhe shprehën vendosmërinë e tyre për të stabilizuar Sirinë dhe për të luftuar terrorizmin”, thanë burimet e Ministrisë së Jashtme turke.
Fidan dhe Rubio diskutuan një sërë çështjesh të tjera rajonale dhe dypalëshe, duke përfshirë nevojën për një armëpushim të përhershëm në Gaza, i cili konsiderohet vendimtar për paqen rajonale, thanë burimet për Anadolu.
Ata diskutuan edhe për temat që ishin në axhendën e një bisede telefonike mes presidentit turk Erdogan dhe presidentit amerikan Donald Trump më 16 mars. Ata diskutuan gjithashtu përgatitjet për vizitat e ardhshme në nivel të krerëve të shteteve.
“Të dyja palët kanë shprehur qartë vullnetin politik për të hequr pengesat për bashkëpunimin në sektorin e mbrojtjes. Takime teknike do të zhvillohen për të zgjidhur çështjet ekzistuese,” shtuan burimet.
Të dy palët diskutuan gjithashtu përpjekjet për të arritur një armëpushim midis Rusisë dhe Ukrainës, me Turqinë që shprehu mbështetjen për përpjekjet e fundit të SHBA në këtë drejtim.
Burimet thanë për Anadolu se ministrat e jashtëm turk dhe amerikan diskutuan gjithashtu procesin e vazhdueshëm të paqes midis Azerbajxhanit dhe Armenisë. /tesheshi.com/
