Ai ka refuzuar dëshirën e milanistëve dhe po pret “thirrjen” e duhur për tek Juventus.
Bëhet fjalë për trajnerin Karlo Ançeloti, i cili ka vendosur të qëndrojë pa impenjime, deri në fillimin e sezonit të ri, edhe pse ofertat nuk kanë munguar.
Sipas britanikes “Sun”, Ançeloti ka refuzuar drejtuesit e Milanit, të cilët kanë kërkuar kontakt menjëherë me të, për të pritur vendimin e klubit të Juventusit, ndoshta për të pasuar trajnerin Alegri në pankinën e bardhezinjve.
Sipas prestigjozes britanike, Ançeloti do të plotësonte edhe “një fiksim të vjetër” me Juven, pasi kur ka qenë trajner i Zonjës së Vjetër në vitet 1999 dhe 2001, ka arritur vetëm dy vende të dyta dhe gjysëmfinalen e Ligës së Kampioneve, pa arritur objektivin titull.
Pra në vetvete, largimi “i butë” i Don Karletos nga Bajerni i Mynihut, nuk paska qenë “edhe aq i butë”, sepse italiani, del që ka punuar edhe me plan B, në mos ka patur edhe plan C. /tesheshi.com/
