Nga Blendi Gashi
Në zyrën e presidentit, Hashim Thaçi, më 24 korrik mund të ulen të gjithë drejtuesit e partive politike parlamentare me qëllim që të diskutojnë një datë të favorshme për t’u mbajtur seanca konstituive e Kuvendit.
Thaçi tashmë u ka dërguar ftesat krerëve, por ende nuk dihet nëse këta të fundit do t’i përgjigjen pozitivisht. Vetëvendosje dhe krerët e koalicionit LDK-AKR-Alterantiva të cilët as sot nuk kanë qenë në gjendje të japin një përgjigje të prerë, edhe pas takimit që mbajtën.
Pavarësisht nëse do ulen apo jo të gjithë së bashku në zyrën e Thaçit, shoqëria civile dhe analistët, ftesën e presidentit e shohin si një lojë të tij me qëllim të blihet kohë në favor të koalicionit PAN dhe si të gjendet një mundësi të “kontrabandohen” deputetë të caktuar, por jo një takim që mund të ofrojë zgjidhje.
“Takim kontrabandues”
Artan Murati nga Instituti Demokratik i Kosovës thotë edhe pse ftesa e Thaçit nuk paraqet ndonjë shkelje ligjore, si e tillë është e panevojshme, pasiqë presidenti nuk ka nevojë të konsultohet me partitë politike rreth datës për seancën konstituive, por vetëm të japë dritën e gjelbërt për mbajtjen e saj.
“Kjo lëvizje i kontribuon edhe më shumë zhagitjes së procesit të konstituimit të Kuvendit, që më pas do t’i hapte rrugë edhe krijimit të institucioneve të reja. Kosova tash e sa kohë është në vakum institucional, dhe çdo vonesë e mëtutjeshme vetëm sa do ta thellonte edhe më tepër këtë vakum. Presidenti duhet të ruaj unitetin në vend, dhe konsultimi me parti politike nuk është i keq në parim, mirëpo koha se kur është thirrur ky takim është e papërshtatshme, dhe konsideroj se ky takim nuk është fare i nevojshëm”, thotë Murati për tesheshi.com.
Nexhmedin Spahiu, analist politik, shprehet se presidenti po luan lojë sa për të blerë kohë, për të testuar nervat e partive politike si dhe për tu shitur demokrat.
“Takimi në fjalë nuk mund të ofrojë zgjidhje. Thjesht, është përpjekje për të relaksuar situatën. Është një hapje rruge Isa Mustafës për të gjetur arsye për tu futur në koalicion me PAN-in, në mungesë të guximit politik të Behgjet Pacollit që ka shansin me u zhvillu në një fakor kyç të skenës politike”, thotë Spahiu për tesheshi.com.
Arsim Haziri, njohës i rrethanave politike konsideron se ftesa e presidentit mund tё ketё edhe prapavije tё fshehtë politike, pra atë të mundёsisё së kontrabandimit tё ndonjё deputeti.
Sipas tij nuk ka asnjë arsye të zvarritet nё konstituimi i Kuvendit, duke pasur nё konsideratё edhe certifikimin e rezultateve, qё tashmё ka hyrё nё javën e tretё.
“Koalicioni PAN, sipas situatёs aktuale nuk ёshtё duke arritur pёr tё krijuar shumicёn e nevojshme, dhe duke pasur nё konsideratё kёtё klimё tё papёrshtatshme dhe qё shumё leht mund t’i vendosё nё opozitё, Thaçi ёshtё duke u pёrpjekur tё blejë kohё nё mёnyrё qё tё mund tё peshkojë deputet nё njёrёn nga subjektet tjera. Sa pёr dijeni, figura Thaçi, nё kuptimin e manipulimeve njihet edhe si makiavelist, pra pragmatist politik, ai arrinё tё krijojё skena, dhe pёrdorë mjete nga mё tё ndryshmet vetёm qё tё prodhojё rezultat tё favorshёm politik”, thotë Haziri për tesheshi.com.
Ai më tej shton se subjektet tjera kёsaj radhe kanё mundёsinё ideale pёr tё dёrguar PDK-në nё opozitё, dhe njё veprim i tillё konsideron se do krijonte epokё tjetёr pёr Kosovёn, pra atë të progresivitetit tё pёrgjithshёm, dhe funksionimin e shtetit të sё drejtёs. /tesheshi.com/
