Pas dinarit, BE ka cekur dhe çështjen e operacioneve të ndërmarra nga autoritetet e Kosovës për të zhbërë institucionet paralele të menaxhuara nga Serbia ne disa zona të Kosovës.
“Mbyllja e papritur e këtyre zyrave do të ketë efekte negative në jetën e përditshme dhe kushtet e jetesës së komuniteteve serbe të Kosovës, pasi do të kufizojë qasjen e tyre në shërbimet themelore sociale duke pasur parasysh mungesën e dukshme të alternativave në këtë kohë,” tha së fundi zëdhënësi i BE-së Peter Stano.
Pjesëtarët e policisë së Kosovës kanë mësyrë në objektet e komunave paralele të Dragashit, Pejës, Istokut dhe Klinës, të cilat kanë funksionuar sipas sistemit serb dhe kanë ndaluar funksionimin e tyre.
Ato u mbyllën me mesazhin kushtetues “se së shpejti i vetmi institucion i Serbisë në Republikën e Kosovës do të jetë ambasada e saj në Prishtinë”.
Duke bërë thirrje për uljen e tensioneve ndërmjet Kosovës dhe Serbisë, Stano tha se “është planifikuar që statusi i këtyre strukturave të zgjidhet në kuadër të dialogut me ndërmjetësimin e BE-së”.
“Prandaj, BE-ja i bën thirrje Kosovës që të shmangë veprimet e njëanshme që mund të rrisin tensionet dhe të merret me këto çështje përmes dialogut të ndërmjetësuar nga BE-ja”, tha Stano. /tesheshi.com/
