Ish-kreu i dorëhequr i PD-së, Lulzim Basha tha se ka folur dy herë me Ramën kohët e fundit, pra që nga marrëveshja mes tyre në 2017-ën.
“Ka pasur dy komunikime, për dy ngushëllime: një në vitin 2020 dhe një tjetër një vit më parë. Për dy raste që kanë ndodhur në familjen tonë. Këto janë të vetmet herë që kam komunikuar me Edi Ramën”, tha Lulzim Basha.
Pra, bëhet fjalë për një komunikim njerëzor dhe jopolitik, çfarë do të thotë se dy politikanët kanë ruajtur gjithsesi nëj sens njerëzor mes tyre për raste të veçanta.
Kujtojmë se të dy humbën nga një prind kohët e fundit, Ramës i ndërroi jetë e ëma, Aneta, ndërsa Basha humbi të atin, Xhelalin, por është e paqartë nëse kanë qenë pikërisht këto dy raste kur ata janë zhveshur nga emocioni politik për t;ju qasur emocionit thjesht njerëzor,
Deklarata e Bashës u bë pak para se ai të futej në Kuvend, ku, duke iu referuar përplasjes
mes Berishës e Alibeajt, ai akuzoi të parin si përçarës.
“Vazhdon një frymë përçarëse nga një grup njerëzish. Interesa të ngushta personale të Berishës mbajnë peng PD-në. Nuk ka frymë bashkëpunuese në PD-së. Berisha shpall kulak atë kthehet kundër tij. Siç e keni parë se çfarë i bëhet Alibeajt vetëm se mbron interesat e PD dhe interesat e demokratëve”, tha Basha. /tesheshi.com/
