Për shkak të fazës tranzitore të ndërrimit të pushteteve, SHBA-ja nuk do të dërgojë një delegacion në bisedimet për Sirinë që nisin nesër në Astana.
Në vend të kësaj, ambasadori amerikan në Kazakistan ka për ta përfaqësuar vendin e tij në këto bisedime, njoftoi dje Departamenti i Shtetit nëpërmjet zëdhënësit Mark Toner.
Zëdhënësi deklaroi se SHBA-ja e ka mirëpritur dhe e ka vlerësuar ftesën për të marrë pjesë në bisedimet e paqes për Sirinë.
Këto bisedime në kryeqytetin e Kazakistanit pasojnë armëpushimin e ndërmjetësuar nga Rusia dhe Turqia gjatë muajit të shkuar.
Rreth 50 përfaqësues nga opozita siriane pritet të zënë vend nesër në tavolinën e negociatave, ku do të kenë përballë të dërguarit e qeverisë siriane, në një përpjekje për ta bërë më të qëndrueshëm armëpushimin e brishtë në Siri dhe për t’i dhënë fund konfliktit gjashtëvjeçar. /tesheshi.com/
