Ambasadorja gjermane në Kosovë, Angiela Viets ka gjetur një mënyrë diplomatike për të shprehur mosdakortësinë e saj për Haradinaj-kryeministër. Fillimisht ajo nuk e quan si një qeverisë stabile atë të krijuar me 61 vota, edhe pse
pse Haradinaj e Veseli, përgjithësisht koalicion PAN që ata e udhëheqin së bashku me Limajn, po përpëliten e prapë nuk po munden t’i krijonjë sigurojnë.
Viets thotë se janë të interesuar që të formohet një qeveri stabile, për faktin se detyrat që i ka vendi përpara nevojitet stabilitet, përfshirë këtu formimin e Asociacionit të Komunave me Shumicë Serbe, Demarkacionin me Malin e Zi si kusht për liberalizim të vizave me BE-në, dialogun me Serbinë.
“Të gjitha këto janë sfida shumë të mëdha të cilat një qeveri mund t’i çoj përpara vetëm me vullnet shumë të fortë. Nëse kjo qeveri e ka këtë vullnet me 61 vota, atëherë gjithçka është në rregull, mirëpo rreziku është që të mos jetë kështu”, shprehet Viets.
Dhe më tej, ajo e thotë më qartësisht atë që nuk shkon tek të qënit e Haradinajt – kryeministër.
“Haradinaj ka qenë një prej kundërshtuesve më të zëshëm të Demarkacionit, i cili përveç se ka refuzuar këtë marrëveshje ka sjellë edhe argumentet e tij pse nuk duhet të votohet marrëveshja. Tani nuk e di se si do të veproj ai në të ardhmen, mirëpo ajo që mund të marr me mend është se kjo çështje mund të zgjatet deri në pafundësi dhe Kosova do të mbetet pa liberalizim të vizave”, ka pohuar Viets. /tesheshi.com/
