Në kulmin e debatit edhe mbi ndikimet ruse apo greke në politikën shqiptare këto kohë kur opozita po qëndron në çadrën e protestës me kërkesën për qeveri teknike, ambasadori rus në Tiranë viziton selinë e PD-së
“Gjatë takimit Basha iu përgjigj interesit të ambasadorit Karpushin mbi zhvillimet politike në vend”, thuhet në njoftimin zyrtar të selisë blu. Aty vihet theksi tek një bisedë mes tyre ku janë fokusuar në çështje si ajo e Kosovës apo e bashkëpunimit mes dy vendeve në shumë fusha.
“Ambasadori Karpushin theksoi se Federata Ruse vlerëson se ekzistojnë mundësi të pashfrytëzuara për të rritur bashkëpunimin ekonomik pragmatik mes dy vendeve tona dhe shpreson se në të ardhmen të punohet për të rritur nivelin e këtij bashkëpunimi.
Karpushin shprehu besimin se një impuls të fortë shkëmbimeve dypaleshe ekonomike do t’i japë takimi në muajin prill në Tiranë i bashkëkryetarëve të Komisionit Ndërqeveritar Rusi-Shqipëri për Tregtinë, Bashkëpunimin Ekonomik dhe Tekniko-Shkencor, si dhe sesioni i ardhshëm i këtij Komisioni qe pritet të mbahet ne vjeshtë, kur të formohet qeveria e re shqiptare.
Basha dhe ambasadori Karpushin vlerësuan si konstruktiv një komunikim të tillë dhe vlerësuan se pikëpamjet e ndryshme në disa çështje nuk duhet të pengojnë përpjekjet për të eksploruar fusha të bashkëpunimit reciprok”, thuhet në njoftimin e PD-së.
Por tej gjuhës zyrtare mbi arsyet e kësaj vizite dhe bisedës mes dy zyrtarëve, mbetet i pashpjegueshëm fakti që një diplomat në duke pa shumë ndikim në zhvillimet shqiptare, por i një vendi me shumë peshë në zhvillimet botërore, takohet me kreun e opozitës në atmosferën e një proteste të pazakontë që ajo ka ndërmarrë.
Ndërkohë, kreu i mazhorancës, Rama ka folur së fundi për qarqe që nuk ia duan të mirën Shqipërisë e që iu intereson çadra e opozitës, duke lënë të nënkuptuar se fjalën e ka për ato ruse e greke. /tesheshi.com/
