Ndërsa ka prezantuar sot ndihmën që Shtetet e Bashkuara të Amerikës do të japin në kuadër të zgjedhjeve vendore në Shqipëri, ambasadori Donhald Lu ka bërë me dije se në listat zgjedhore ka emra personash me histori të mundshme kriminale.
“Kemi shqyrtuar listat e personave që kanë qenë të dënuar apo të arrestuar. Kemi identifikuar disa emra personash me histori të mundshme kriminele. Politikanët të përmbushin standardet etike”,- tha z. Lu ndërkohë që si opozita dhe mazhoranca janë duke folur gjithmonë e më shumë gjatë kohëve të fundit për dekriminalizimin e politikës.
Ndërsa nuk tha se cilët ishin kandidatët me histori kriminale dhe se nga rradhët e cilave parti vinin ata, ambasadori bëri me dije se SHBA do t’i japë Shqipërisë më shumë se gjysmë milion dollarë për vëzhguesit zgjedhorë dhe për mbështetjet teknike me KQZ.
“Kolegë nga ambasada e SHBA do të asistojnë në të gjithë vendin gjatë zgjedhjeve. Presim një përpjekje të fortë përpara gjatë dhe pas zgjedhjeve. Ne do të bashkëpunojmë me shoqërinë civile për të promovuar zgjedhje të lira dhe të ndershme me pjesëmarrje të gjerë”,- u shpreh ndër të tjera z.Lu/.tesheshi.com/
