Ambasadori gjerman në Beograd Thomas Schieb tha se bombardimi i Jugosllavisë në 1999 ishte një çështje e diskutueshme, por që ishte i nevojshëm një reagim sepse një katastrofë humanitare dhe gjenocid në Kosovë duhej të parandalohej.
“Unë jam i vetëdijshëm se kjo është një çështje e diskutueshme dhe se nuk kishte asnjë vendim të Këshillit të Sigurimit të KB (për fillimin e aksionit ushtarak). Por duhej marrë një vendim, qëllimi ishte të shmangej një katastrofë humanitare, për të shmangur gjenocidin,” tha Schieb për Radio Televizionin e Vojvodinës.
Schieb tha se bombardimi ishte “shumë i vështirë për Serbinë, por që nuk duhet të harrojmë se nuk ndodhi thjesht.”
“Problemi ishte gjetja e një zgjidhjeje për Kosovën, pasi të gjitha mjetet diplomatike ishin përdorur më parë,” shtoi ambasadori gjerman.
Schieb tha se ishte e rëndësishme që dialogu midis Beogradit dhe Prishtinës të vazhdonte, se qëllimi i këtij procesi ishte i qartë dhe se ai ishte një normalizim gjithëpërfshirës i marrëdhënieve.
“Të gjithë bien dakord që problemi i Kosovës duhet të zgjidhet, do të ishte për të mirën e Serbisë dhe Kosovës dhe rajonit,” tha Schieb.
I pyetur nëse Gjermania mund ta mohojë mbështetjen për Serbinë në rrugën e saj evropiane nëse Beogradi nuk e njeh pavarësinë e Kosovës, Schieb tha se kjo ishte “më shumë se një pyetje hipotetike” dhe “nuk dëshiron të jetë aq pesimist”.
“Ne shpresojmë që të dy palët të jenë konstruktive, negociatat nuk mund të përfundojnë pozitivisht nëse nuk ka besim dhe një atmosferë të mirë. Ne u bëjmë thirrje të dy palëve të shmangin deklaratat që mund të përkeqësojnë atmosferën dhe ta bëjnë të vështirë arritjen e një kompromisi,” tha diplomati gjerman. /tesheshi.com/
