Pas suksesit në zgjedhjet elektorale të së dielës, me ç’rast Lëvizja Vetëvendosje dyshoi numrin e votuesve, të mërkurën në mbrëmje një delegacion i VV i përbërë nga kandidati i kësaj partie për kryeministër, Albin Kurti, kryetari i Prishtinës, Shpend Ahmeti, dhe kryetari i VV, Visar Ymeri, ka zhvilluar një takim me ambasadorin amerikan, Greg Delawie.
Takimin e kanë konrmuar për “dialogplus” disa pjesëmarrës si dhe burime ndërkombëtare.
“Në takim u lavdërua procesi zgjedhor, ndërsa delegacioni i VV e njoftoi ambasadorin se çfarë mendon Lëvizja Vetëvendosje të ndërmarrë në qeverisje me 40 pikat e programit të saj”, ka deklaruar njëri nga pjesëmarrësit në takim.
Ambasadori Delawie, sipas këtij burimi, ka deklaruar se “SHBA do të bashkëpunojnë me atë qeveri që i siguron numrat, pra 61 deputetë”.
Kujtojmë se të martën Kurti, Ahmeti dhe Ymeri janë takuar me ambasadorët e Francës dhe Italisë, ndërsa sot kanë zhvilluar takime me ambasadorin e Britanisë së Madhe dhe me shefen e EULEX-it, Nataliya Apostolova. Të hënën delegacioni i Vetëvendosjes ka takuar edhe ushtruesen e detyrës së ambasadores së Gjermanisë (chargé d’aaires) në Kosovë.
Këto takime janë vetëm fillim i përfshirjes së ndërkombëtarëve në formimin e qeverisë së re. /tesheshi.com/
