Qeveria e Izraelit ka bllokuar gjithçka për ceremoninë e sotme të hapjes së ambasadës amerikane në Jerusalem.
Përveç blindimit të qytetit dhe mbylljes së rrugëve, Netanjahu ka ndarë qytetin duke bllokuar Jerusalemin Lindor ose pjesën arabe të tij.
Do të jetë Sekretari i Thesarit, Steven Mnuchin që do ta zbulojë tabelën e konsullatës amerikane të kthyer në ambasadë, në pritje të ndërtesës së re.
Ndërkaq, delegacioni i Shtëpisë së Bardhë drejtohet nga Ivanka Trump dhe Jared Kuschner. Kurse Izraeli do të përfaqësohet nga lidershipi i plotë që nga presidenti Reuven Rivlin dhe kryeministri Benyamin Netanyahu.
Janë të ftuar 800 persona nga të cilët 33 do të jenë diplomatë dhe vetëm katër nga vendet anëtare të BE-së.
Jason Greenblatt, i dërguari i Trump për Lindjen e Mesme, në një mesazh të dërguar në Twitter ka tentuar të lëshojë një urë për arabët duke theksuar se ky vendim i Uashingtonit synon t’i shërbejë edhe izraelitëve edhe palestinezëve. /tesheshi.com/
