Ambasada amerikane në Tiranë reagoi në lidhje me vendimin e Moskës për dëbimin e diplomatëve amerikanë si kundëpërgjigje ndaj të njëjtës masë të ndërmarrë nga SHBA dhe aleatët e saj perëndimorë disa ditë më parë. Ambasada amerikane në një postim të rrjetet sociale shprehet se vendimi rus për të dëbuar diplomatët amerikanë përkeqëson marrëdhënien SHBA- Rusi.
“Vendimi i Rusisë për të dëbuar diplomatët amerikanë vetëm sa përkeqëson më tej marrëdhënien midis SHBA dhe Rusisë. SHBA dhanë përgjigjen e duhur me përjashtimin e zyrtarëve të padeklaruar të shërbimit të inteligjencës ruse, pas sulmit vdekjeprurës në Mbretërinë e Bashkuar”, thuhet në deklaratën e ambasadës.
Vetëm pak ditë më parë edhe Shqipëria u rendit në krah të Aleancës perëndimore duke dëbuar dy diplomatët rus Vladislav Filipov, atashe ushatarak, si dhe Alexey Nikolaevich Balashov, sekretar i parë i Ambasadës. /tesheshi.com/
