Qeveria vendosi në mbledhjen e mbajtur në Vlorë kalimin e Agjencisë së Legalizimit dhe Urbanizimit të Zonave Informale nën varësi të Ministrisë së Drejtësisë.
Sipas këtij vendimi, i hapet rrugë bashkimit të këtij institucioni me Zyrën e Regjistrimit të Pronave, gjithashtu nën varësi të Ministrisë së Drejtësisë.
ALUIZNI ka qenë nën varësinë e Ministrisë së Zhvillimit Urban, tashmë e shkrirë.
Qeveria ka vendosur të shfuqizojë vendimin e Këshillit të Ministrave për pezullimin e përkohshëm të proçedurave të prokurimit publik, miratuar më 5 korrik.
“Ngarkohen të gjitha institucionet e qeverisjes qendrore, institucionet në varësi të tyre dhe Agjencia e Prokurimit Publik për zbatimin e këtij vendimi”, thuhet në vendim, i cili hyn në fuqi menjëherë. /tesheshi.com/
