Presidenti amerikan dhe ai rus, Donald Trump dhe Vladimir Putin, patën të premten një bisedë telefonike mes tyre e cila zgjati më shumë se një orë. Sië bëhet zyrtarisht me dije, ata kanë diskutuar mundësinë e një marrëveshje të re bërthamore, denuklearizimin e Koresë së Veriut dhe situata politike në Venezuelë.
Trump ka thënë se bisedimet ishin “shumë produktive”, dhe në një seri të cicërimash ka lënë të kuptohet se kanë folur dhe mbi hetimin amerikan mbi ndërhyrjen e dyshuar ruse në zgjedhjet e 2016.
Zëdhënësja e Shtëpisë së Bardhë Sarah Sanders, u tha gazetarëve se Trump dhe Putin diskutuan mundësinë e një marrëveshjeje të re shumëpalëshe bërthamore midis SHBA, apo dhe zgjatjen e marrëveshjes së tanishme amerikano-ruse mbi strategjinë bërthamore.
“Ata patën një bisedë shumë të mirë, e cila zgjati pak më shumë se një orë”, tha Sanders, ndërsa Kremlini tha se zgjati pothuajse një orë e gjysmë. /tesheshi.com/
