Lefter Alla, kryebashkiak i Bulqizës, njeriu i denoncuar me video e jo nga sallone politike si përdorues droge, vijon të quajë atë si montazh.
Kutojmë se videoja është bërë publike jo nga opozita por nga gazetari Artan Hoxha, deri më tani me integritet të padiskutuar profesional. Hoxha ka mbrojtur fort vërtetësinë e pamjeve, i bindur se njeriu që shfaqet duke thithur lëndë narkotike është pikërisht kryebashkiaku i Bulqizës. Por ky i fundit ka reaguar sërish, duke shkruar se “jam nisur drejt Tiranës ku do të depozitoj një padi në ngarkim të shtetasit Ervin Salianji, një person me aktivitet përsëritës kriminal për situata të ngjashme, referuar organeve të drejtësisë shqiptare.
Dua të sqaroj gjithashtu se ekzistenca e një video-montazhi më është bërë me dije prej rreth një viti, por gjithmonë kam besuar dhe besoj se duhet të jetë drejtësia ajo që ta hetojë dhe ta zbardhë.
Prandaj deklaroj se unë do të pres zbardhjen e çdo vepre penale nga drejatësia.
Kushdo që më akuzon mua të presë veprimet e Prokurorisë dhe vendimin përkatës të Gjykatës”, shkruan Alla.
E ndërsa pamjet i quan video-montazh, në asnjë rast ai nuk thotë se “njeriu në pamje nuk jam unë”. Në të tilla raste, kjo do ishte fraza më e natyrshme e njeriut nën akuzë. Në rastin konkret, Allës. /tesheshi.com/
