Humbja dramatike e Lokaleve ka thelluar dhe më krizën e opozitës, më saktë të PD-së, forca kryesore e saj, e cila gati është shkërmoqur, pa ndonjë shenjë në horizont që sinjalizon ringritje.
Berisha, i cili kontrollon selinë qëndrore të partisë, por që nuk ka vulën e saj, pa kontrolluar dot dhe grupin parlamentar, tha se Basha e Alibeaj janë të shkarkuar dhe ka kërkuar mbledhje strukturash e rikandidim për kryetar. Alibeaj nga ana e tij, kundërshtari më i rreptë, e ka sulmuar në njollën e tij më të madhe, ish-të qënit komunist.
“Humbësi i madh i zgjedhjeve të 14 majit paska gjetur sot armiq të rinj, duke publikuar dhe listën e të përjashtuarve të radhës.
I zhytur në disfatën që i solli demokratëve dhe opozitës, sindroma e komunizmit i rikthehet si përherë kur humb duke shpallur grupe armiqësore.
Shqiptarët e kanë të qartë se shkaku i përçarjes së opozitës është Sali Berisha, sikundër aleanca e tij me Ilir Metën ka prodhuar këshilltarë të LSI me votat e demokratëve në çdo këshill bashkiak.
Bashkëpunimi i Sali Berishës dhe Ilir Metës në kurriz të demokratëve dhe shqiptarëve është një nga arsyet pse pati refuzim masiv në 14 maj dhe që e mban në këmbë regjimin e Edi Ramës”, shkruan së fundi Albeaj, i cili dha dorëheqjen pak ditë më parë si kreu i komanduar i PD-së. Ai zëvëndësoi Bashën po të dorëhequr, i cili është i pazë dhe nuk ka shenja të ndonjë kthimi të mundshëm. /tesheshi.com/
