Ndonëse lideri i partisë shqiptare në pushtet në Maqedoni, BDI-së, Ali Ahmeti nuk i’u paraqit ftesës së kryeministrit të Shqipërisë, Edi Rama për takim të martën në Tiranë në mënyrë që të konsultohet mbi themelimin e qeverisë, ai ka deklaruar sot se do të shkojë në Tiranë.
Përveç Ramës, sipas kabinetit të kryetarit të BDI-së, Ahmeti sot do të takojë edhe presidentin Bujar Nishani dhe kryeparlamentarin Ilir Meta.
Bashkëpunëtorët e Ahmetit e kanë justifikuar mungesën e tij në takim me Edi Ramën dy ditë më parë, për shkak të axhendës së ngjeshur të tij dhe kaosin në Maqedoni.
Kujtojmë se para dy ditësh, Rama takoi dy liderët e opozitës shqiptare Ziadin Selën dhe Bilall Kasamin pas zgjedhjeve në Maqedoni./tesheshi.com/
