Kreu i partisë shqiptare në pushtet, BDI-së, Ali Ahmeti gjatë një takimi të sotëm me ambasadorin francez në Maqedoni, Kristian Timonier, e ka njoftuar atë se BDI nuk e ka ndërmend me çdo kusht të ngutet për ta formuar qeverinë.
Vendimi i BDI-së, sipas kreut të kësaj partie duhet të prodhojë siguri, stabilitet, qëndrueshmëri si dhe të jetë në partneritet me komunitetin ndërkombëtar.
“Kryetari Ahmeti njoftoi Ambasadorin e Francës që BDI nuk ngutet, por dëshiron që të sigurohet për realizim të pritjeve të qytetarëve, bashkë me rishqyrtimin dhe zbardhjen e rasteve të kontestuara si Monstra, Sopoti, Kumanova, apo edhe vet përgjimet”, thuhet në komunikatën e BDI-së drejtuar mediave. Për këto, vijon më tej komunikata, në BDI ka debat shumë të hapur, të argumentuar dhe konstruktiv, përfshirë edhe me përfaqësues të shoqërisë civile dhe akademike”, thuhet në njoftimin e lëshuar nga BDI.
Ndryshe, BDI, dhënien e nënshkrimeve të deputetëve për kreun e LSDM-së, Zoran Zaev, e ka kushtëzuar me deklaratë të shkruar nga kjo parti ku do të siguronin se pranojnë platformën e përbashkët të partive shqiptare. /tesheshi.com/
