Kryeministri grek, Alexis Tsipras ka folur për herë të parë për votën që ai do të japë për Shqipërinë.
Në një konferencë për shtyp, ai ka treguar se si i ka informuar homologët e tij në samitin e BE-së në lidhje me negociatat që po zhvillohen mes qeverisë shqiptare dhe asaj greke për problemet mes tyre.
“Pata rastin t’i informoj drejtëpërdrejtë homologët e mi mbi negociatat që po zhvillojmë në kohë reale me Shqipërinë, por edhe me Maqedoninë.
Qëndrimi ynë është konstant. Hapja e negociatave për anëtarësim me këto dy vende do të jetë e mundur vetëm nëse do të përmbushen gjithë kushtet dhe kriteret e dakorduara nga Bashkimi Europian”.
Posaçërisht me Shkupin kërkojmë një kompromis të ndershëm, që do të jetë i dobishëm.
Jo vetëm për të dy vendet, por edhe për Europën në tërësi”, tha Tsipras. Por cila do jetë vota, e ka lënë sërish evazive, të papërcaktuar, duke e shfrytëzuar sërish si mjet presioni. /tesheshi.com/
