E konsideruara si “dele e zezë” e BE, Hungaria e Viktor Orbanit, i ka dhënë një mbështetje të fuqishme Shqipërisë për hapjen e negociatave.
“Është katastrofike që Bashkimi Evropian ka vendosur të shtyjë më tej hapjen e negociatave me Shqipërinë dhe Maqedoninë e Veriut”, u shpreh në Luksemburg, Levente Magyar, Sekretar Shteti në Ministrinë e Jashtme të Hungarisë, sipas TCH.
“Me vendimin e saj, BE po kërcënon paqen dhe stabilitetin në rajonin e Ballkanit Perëndimor, ka humbur dhe ka shkatërruar plotësisht besueshmërinë e saj në sytë e të dy vendeve”, tha Magyar para gazetarëve, fill pas përfundimit të takimit të ministrave të Jashtëm të BE-së, ku nuk pati asnjë konsensus mbi negociatat.
Siç dihet, qeveria e djathtë e Orbanit ka qenë ndër të vetmet që i ka “qëndruar pranë” PD-së në Shqipëri, e cila prej kohësh po vuan një izolim ndërkombëtar për shkak të praktikave të saj ekstreme. /tesheshi.com/
