Nga Blendi Gashi
Aleanca me PDK-në po i kushton LDK-së një gërryrje të brendshme, gjë që nuk ndodh në kampin e partisë se Thaçit, sot e drejtuar nga Kadri Veseli. Kjo për shkak se Isa Mustafa, i pamundur të përballet me kundërshtarin tradicional, sidomos kur është fjala për mosliberalizimine vizave, pikërisht Thaçin, njeriun që i premtoi ato që në 2010-ën, gjithë artileritë i ka lëshuar drejt të tijve, një grupi deputetësh nga kampi i partisë së tij, të cilët kundërshtojnë Demarkacionin, por që nuk e votuan as atë kur u zgjodh kryeministër. Bëhet fjalë për Shpejtim Bulliqin, Adem Salihajn, Arben Gashin, si dhe Vjosa Osmanin, me të cilët u tregua i shpër dhe dje në në Kuvendin zgjedhor të Forumit të Rinisë së LDK-së, edhe pse nuk jua përmendi emrat:
“Unë i pyes disa deputet kundërshtues se me çfarë të drejte iu mbajnë juve të izoluar, me çfarë të drejte iu detyrojnë të prisni edhe me nga 6 muaj para dyerve të ambasadave të huaja për ta marrë një vizë, i pyes së bashku me ju me çfarë të drejte ua rrezikojnë jetën qytetarëve tonë që të shërohen jashtë vendit për shkak se nuk gjejnë shërim në vendin tonë, me çfarë logjike ua privojnë lirinë që të shkolloheni jashtë dhe bizneset që të qarkullojnë lirshëm në vendet evropiane, i pyes bata që krijuan një kauzë të rrejshme se Kosova po humb territor, bashkë edhe me disa njerëz të LDK-së që u bën shërbëtor, prandaj është mirë që edhe ju t’i pyetni deputetët që janë në degët e juaja se pse ata kanë shkelur besimin e dhënë nga ju”, tha Mustafa.
Reagon Bulliqi
Ndaj deklarimeve të ashpra të Mustafës, ka reaguar një prej “shënjestrave”, deputeti Shpejtim Bulliqi.
Ai, në një pronomcim për tesheshi.com, tha se qëndrimi i tij në lidhje me Demarkacionin është 100% profesional dhe jopolitik.
Bulliqi më tej shton se nuk ka pse t’i arsyetohet qeverisë por se thotë se ai si deputet i mazhorancës ka përkrahur të gjitha iniciativat, ligjet që i ka sjellur qeveria në parlament, dhe në shumë prej tyre edhe kam dhënë kontributin e tij direkt.
“Është e kotë një akuzë e tillë ndaj meje nga kushdo që vjen. Unë nuk do t’i shtrembëroj e as fshehë kurrë argumentet faktografike për një çështje të caktuar vetëm për t’i bërë qefin ndokujt, sidomos kur ajo çështje ka të bëj me tërësinë territoriale të Kosovës. Tashmë në Kosovë jemi mësuar që për çdo dështim apo kur diçka shkon mbrapshtë, të gjindet “fajtori kujdestar”. Nuk do të çuditem nëse të gjithë ata që ndër vite ishin pjesë e ekzekutivit, tash do tentojnë të kërkojnë fajtorin tek unë për të gjitha dështimet siç janë :rezultatet e PISA, sistemin shëndetsor,gjendjen ekonomike, verdiktet financiare të arbitrazheve që po e hajnë Kosovën si kancer, sistemin e drejtësisë, korrupsionin , murin matanë Ibrit, mos krijimin e FAK-ut etj. Më e mirë do të ishtë që qeveria të angazhohet në çështjet që i përmenda se sa të tentojë të hjekë përgjegjësinë nga vetvetja”, tha Bulliqi.
Ndërsa deputeti tjetër i shënjestruar, Adem Salihaj tha se nuk po ka dëshiruar të komentoj akuzat e kryetarit të tij.
“Nuk i kam komentuar asnjëherë ato çfarë ka thënë. Nuk po dua të konfrontohem”.
E ndërsa në LDK duket se ka “rënë zjarr” pas aleancës me PDK-në, tek kjo e fundit gjithçka shkon sipas terezie. Nëse Mustafa po mban qeverinë, por me një parti të lodhur dhe në trend humbjeje pushteti në rast zgjedhjesh, ne kahjen tjetër PDK ka marrë Kuvendin, Presidencën, dhe me gjasë është fituese nëse aleanca prishet dhe shkohet në zgjedhje. /tesheshi.com/
