Ish-Sekretarja amerikane e Shetit Madeline Albright, ka pasuar ish-eprorin e saj Bill Cliton në marrjen e “Urdhërit të Lirisë” nga presidenti Thaçi, në kuadër të një vizite të tyre në Kosovë, me rastin e 20-vjetorit të çlirimit të saj nga NATO.
“Faleminderit shumë për këtë nder. Më duhet të them se asgjë nuk më bënë më të lumtur sesa të jem edhe më shumë pjesë e Kosovës. Jam krenare për çdo gjë që ju keni bërë dhe ne kemi bërë që këto gjëra të ndodhin. Asnjëherë nuk do ta harrojë ardhjen time në Prishtinë pas përfundimit të luftës. Mendoj se SHBA-të kanë bërë gjënë e duhur kur kanë vendosur që të ndihmojnë popullin e Kosovës që të kenë lirinë e tyre. Jam e nderuar që jam këtu me ju për të vazhduar punën për liri dhe demokraci në Kosovë. Kosova është vend i pavarur dhe duhet të njihet si e tillë”, ka thënë Albright.
“Keni qenë jeni dhe do të mbeteni gjithmonë heroi i Kosovës, për angazhimin që keni bërë për të parandaluar spastrimin etnik, për të ndaluar të keqen, vrasjet dhe dëbimet, për të krijuar mundësinë e rikthimit të njerëzve në pronat dhe shtëpitë e tyre për të ndërtuar jetën e re, paqen. zhvillimin, progresin, harmoninë për të punuar për reformat demokratike, zhvillimin ekonomik të një vendi të ri evropian për të ardhmen e sigurt në NATO dhe BE”, ka thënë Thaçi. /tesheshi.com/
