Kryeministri i Kosovës Albin Kurti përsëriti të martën se masat e reciprocitetit do të vendosen ndaj Serbisë, pasi dëshiron që “Kosova të veprojë si një shtet i pavarur, ashtu siç është”.
“Reciprociteti do të ndodhë sepse ne kemi vendosur të veprojmë si një shtet i pavarur. Ashtu siç jemi. Reciprociteti është një tregues i barazisë, jo një kundërmasë. Ne duhet të ndihmojmë bizneset vendore për të rritur punësimin dhe zhvillimin”, tha ai.
Duke folur në një tubim të organizuar nga Dhoma e Tregtisë e Kosovës, Kurti tha se të gjitha barrierat tregtare me Shqipërinë dhe Maqedoninë Veriore duhet të hiqen.
“Ekonomia dhe drejtësia, puna dhe mirëqenia do të jenë temat tona. Tema të tjera do të marrin vëmendjen, por jo plotësisht. Sovraniteti dhe pavarësia kanë kuptim vetëm kur i zbatojmë ato. Do të donim që të kishim më shumë ndërveprim me Shqipërinë. Ekzistojnë anomali të shumta në marrëdhëniet tona. Maqedonia Veriore gjithashtu ka pengesa”, tha Kuirti.
Ai shtoi se Kosova ka një bilanc negativ tregtar me të gjitha vendet e CEFTA-s.
Kurti tha se ndryshe nga disa deputetë të Kuvendit të Kosovës, qytetarët e kuptuan se çfarë ishte reciprociteti.
Nuk ishte rastësi, tha ai, që vendosi të flasë për barrierat tregtare dhe ekonominë, sepse këto do të ishin përparësitë e qeverisë së tij.
“Temat e tjera do të tërheqin vëmendjen, por kurrë të gjitha. Kosova është një vend sovran dhe i pavarur, por sovraniteti dhe pavarësia kanë kuptim kur kemi një popullsi që nuk i gëzon ato. Ne do të donim të koordinohemi me Shqipërinë në mënyrë që dallimet tona në ekonomi dhe politikë të jenë më të vogla se ato të gjuhës”, tha Kurti. /tesheshi.com/
