Albin Kurti është vënë në pozitën e parë të vështirë në prag të rimarrjes së frenave të qeverisjes së Kosovës, pasi Turqia i ka kërkuar që të anullojë vendimin e kabinetit “Hoti” që Kosova të hapë ambasadë në Jerusalem.
Kujtojmë se Turqia është vendi i parë që ka njohur Kosovën, ndërkohë që njohja nga Izraeli erdhi në një “thatësirë të tejzgjatur” diplomatike, pa njohje prej vitesh. Por pagesa ëshët e rëndë: ambasadë në Jerusalem.
“Rreth vendit se ku do të vendoset ambasada është një çështje që do të shqyrtohet duke parë edhe dokumentacionin e qeverisë në ikje”, thuhet në njoftimin e Vetëvendosjes, pas një takimi mes Kurtit dhe ambasadorit turk në Kosovë, Çagri Sakar
Nga ana tjetër, po sipas Vetëvendosjes, Turqia shihet si një zgjidhje e sfidave ekonomike të Kosovës.
“Kryeministri në ardhje, Kurti e informoi ambasadorin për prioritetet e qeverisë së tij dhe potencoi se në raport me Turqinë do të fokusohemi në shtimin e marrëdhënieve tona bilaterale, posaçërisht në fushën e zhvillimit ekonomik”, thuhet tutje në njoftim. /tesheshi.com/
