Nëse pas zgjedhjeve të 11 qershorit, Lëvizja Vetëvendosje merr drejtimin e qeverisë, Kosova më nuk do kritikohet për kabinetin qeveritar më të madh në rajon. Kjo pasi kandidati për kryeministër i VV-së, Albin Kurti, ka thënë se në qeverinë e udhëhequr nga ai nuk do të ketë një numër kaq të madh të ministrish dhe zëvendës ministrash.
“Në qeverinë e ardhshme nuk do të ketë asnjë ministri me nga dy zëvendës kryeministër por vetëm me nja një pasi që Lëvizje Vetëvendosje nuk do të vjen në pushtet që të i rehatoj zyrtarët e saj por që të punoj për vendin”, ka thënë Kurti, në një ligjëratë në kolegjin “ISPE”, derisa ka shtuar se nuk do që të vij në pushtet për t’u hakmarrë ndaj askujt.
Kurti ka folur edhe për mundësin e bashkëpunimin me ndonjë parti politike për formimin e qeverisë por nuk ka përmendur asnjë subjekt politik.
“Pasi t’i fitojmë zgjedhjet, koalicionet tjera do të shpërbëhen dhe do të presim çka do të mbetet nga ato koalicione për të parë se më kë mund të bashkëpunojmë. Ndërkohë është obligim kushtetues që në qeveri të kemi edhe ministra nga pakicat. Mirëpo është herët të flasim për këtë. Kur të vij koha do ta kalojmë edhe atë urë”, ka thënë Kurti./tesheshi.com/
