Kryeministri në detyrë Albin Kurtit ka injoruar faktin që LDK ka çuar emrin e Abdullah Hotit në Presidencë, si mandatar për kryeministër të ri. Për Kurtin, është një çështje partiake.
“Nuk do të preferoja të komentojë si kryeministër zhvillimet në një parti politike. Porsa u ktheva nga Mamusha dhe Rahoveci dhe nuk kam pasë t’i ndjekë se kush krejt çfarë tha. Porsa t’i shohim dokumentet zyrtare në tekst do të mund të japim vlerësimet”, tha njeriu që vijon të qeverisë edhe pse i rrëzuar me mocion mosbesimi.
Deklarata e Kurtit u bë teksa që krah Drejtorit të Zyrës për Çështje të Komuniteteve, Nenad Rashiç, i cili dha dorëheqjn për shkak të një aktakuze që është ngritur ndaj tij. E ndërsa rrëzoi akuzat ndaj tij, politikani serb vlerësoi Kurtin si kryeqeveritar.
“Kemi pasur pak kohë të bashkëpunimit me kryeminstrin dhe me të tjerët. Por më dha besimin dhe bindjen se brenda institucioneve mund të bëhet një organizim dhe një strukturë e mirë, nëse keni njerëz të mirë, nëse keni njerëz të vetëdijshëm që udhëheqin këtë sistem. Vërtet jam i lumtur që ka njerëz të rinj. Mua ma kanë dëshmuar personalisht. Unë e falënderojë kryeministrin për mundësinë e dhënë”, tha Rashiç. /tesheshi.com/
