Alarmohen autoritetet italiane në lidhje me mbërritjen e fëmijëve emigrantë nga vendet e Afrikës Veriore të cilët, sipas Kajros zyrtare, u shiten kriminelëve. Qeveria në Kajro, shkruan Asociated Press në një artikull të saj, thotë se në Romë, fëmijët shndërrohen në skllevër duke u marrë sa me trafik droge e prostitucion.
Fenomeni ka qenë nën mbikqyrjen e autoriteteve italiane që më herët, mirëpo së fundmi, me valën e refugjatëve të luftës që janë dyndur drejt brigjeve italiane, po mbërrijnë gjithnjë e më shumë kontigjente me destinacion shfrytëzimin nga krimi dhe mafia. Së fundmi, është pikasur një varkë me klandestinë me të paktën 560 fëmijë emigrantë në bord, të gjithë nën 11 vjeç. Ministri egjiptian i Emigracionit, Abroad Nabila Makram, nënvizoi me këtë rast atë që mund të quhet plagë kombëtare e emigrimit të fëmijëve.
Agjencia qendrore e Statistikave në Kajro thotë se varka e mbërritur të martën në brigjet italiane, është një nga disa që janë interceptuar në këto brigje. Fëmijët tashmë janë nën kontrollin e autoriteteve që u kanë dhënë strehë dhe ushqim. Agjencia ka kontaktuar qeverinë e Romës, siç thotë “për të verifikuar numrin e saktë dhe moshën e egjiptianëve pa dokumente që në këto momente ndodhen në Itali”.
Fenomeni i fëmijëve egjiptianë klandestinë në Itali, është denoncuar së fundmi, edhe nga disa organizata joqeveritare, sipas së cilave të vegjlit përfundojnë në një rrjet “pune të detyruar, trafiku të drogës, abuzimesh seksuale dhe prostitucioni” që e ka bazën në Romë.
Bëhet fjalë për një rrjet trafikantësh të qenieve njerëzore që i kërkon në Egjipt minorenët për t’i trafikuar në Itali e për t’ua shitur kriminelëve lokalë.
Aswat Masriya, president i organizatës ndërkombëtare për emigantët egjiptianë, siguron se “numri i fëmijëve emigrantë klandestinë në Itali është në rritje alarmante”. Nga 4 mijë klandestinë të mbërritur në Itali vitin e kaluar, gjysma e tyre janë minorenë. /tesheshi.com/
