Kreu i Komunës së Mitrovicës, Agim Bahtiri, është përballur këtë të martë me akuzën e ngritur nga Prokuroria Speciale e Kosovës për korrupsion. Më saktë, së bashku me dy persona të tjerë, Haxhimet Feratin dhe biznesmenin G.K. ai akuzohet për veprën penale “Keqpërdorimi i pozitës apo autoritetit zyrtar dhe Marrëveshje për kufizimin e konkurrencës përmes ftesave për tender”.
Por Bahtiri, i tha tesheshi.com përmes telefoni se akuzë ndaj tij është e motivuar politikisht, e se veprimet e Prokurorisë në këtë formë janë të turpshme.
“Ky është turpi më i madh i Prokurorisë. Unë kam me shku deri në Gjykatën e Strasburgut edhe ai që e ka bë ka me u përgjigje për këtë. Nuk ka kush mbi këtë tokë që mundet me thënë që e kam keqpërdorur buxhetin”, ka thënë Bahtiri përmes telefoni.
Në anën tjetër,Faruk Mujka, kryetar Vetëvendosje-s në Mitrovicë, i tha portalit tesheshi.com se nuk e ndjen veten mirë kur kryetari i qytetit të tij akuzohet për korrupsion, dhe se kjo akuzë nuk është mirë që të përdoret për shantazhe politike. /tesheshi.com/
.
