Një ditë e veçantë ka qenë kjo e premte për aktorin e njohur amerikan, Kirk Douglas. Ai ka festuar ditëlindjen e tij të 100-të, duke plotësuar kështu si rrallë persona në botë shprehjen universale “u bëfsh 100 vjeç!”.
Douglas ka debutuar në film në vitin 1946, ndërsa gjatë karrierës së tij të gjatë dhe të suksesshme, ka luajtur role të rëndësishme në 80 filma. Më të njohurat janë ato të Spartakut; pastaj të piktorit Vincent van Gogh; legjendës perëndimore, Doc Holliday, etj.
Në mes të muajit nëntor të këtij viti, Kongresi Botëror Hebre e nderoi me çmimin për punën e tij për kulturën hebreje.
Por, çmimin e mori i biri i tij, Michael Douglas, po ashtu aktor i njohur i kinematografisë amerikane.
Aktualisht, ai ka deklaruar se babai i tij është “absolutisht shumë mirë” dhe se “është krenar” për të, pasi ishte rritur si person i varfër nga prindërit ruso-hebre, dhe ka arritur aq shumë në jetë./tesheshi.com/
