Një ditë më pare, më 11 shkurt flamuri kuq e zi është shkulur nga selia e Këshillit Kombëtar Shqiptar. Policia malazeze ende nuk ka zbuluar se kush kanë qenë autorët.
Por Këshilli Kombëtar Shqiptar, në një deklaratë e ka dënuar aktin dhe ka kërkuar gjetjen e menjëhershme të autorëve.
“Ky nuk është rasti i parë, pasi që një veprim i ngjashëm ka ndodhur edhe me 1 qershor 2015, ku në të njëjtën mënyrë është hequr flamuri kombëtar. Ne nuk duam dhe nuk mundemi të merremi me paragjykime se kush janë kryerësit dhe për çka është bërë kjo vepër vandale, por apelojmë dhe ftojmë të gjitha organet kompetetne, e në veçanti Policinë e Ulqinit e cila objektin e Këshillit Kombëtar e ka përballë ( disa metra larg), që të merren me zbardhjen e autorëve të kësaj vepre penale në mënyrë urgjente, kurse organet gjyqësore të kryejnë procesuimin dhe të dënojnë përgjegjësit, si shëmbull për të tjerët, që ky akt i shëmtuar të mos përsëritet, para së gjithash jo në mjedisin e tolerances siç është Ulqini ku harmonia dhe respekti i ndërsjelltë janë vlera të veçanta të cilat duhen ruajtur”, theksohet në deklaratën e Këshillit. /tesheshi.com/
