Katër policë në Romë, kanë kryer një akt të lartë human. Ata i kanë zjerë makaraona një çift të moshuarish, disa momente pasi vetmia dhe lajmet në TV u kishin shkaktuar atyre aq shumë mërzi, saqë kishin qarë me dënesë duke detyruar kështu fqinjtë e tyre të thërrasin policinë.
Jole, 84 vjeç dhe Michele 94 vjeç, i thanë policisë se nuk i kishte vizituar askush me muaj, dhe ishin të pikëlluar për gjendjen në të cilën kishte rënë bota njerëzore.
Të angazhuar gjatë punës së tyre të përditshme me luftimin e krimit në një prej qyteteve më të njohura të mafias italiane, katër policë u ndalën për një moment për t’i ngushlluar dhe qetësuar ata, duke u gatuar atyre makarona me parmezan.
Episodi u postua në Facebook nga kolegë të policëve, duke u bërë shumë shpejt viral në rrjetet sociale.
Në postim, është bërë një përshkrim gati poetik i episodit gjatë momenteve para se policët: Andrea, Alessandro, Ernesto dhe Mirko, ishin thirrur ndihmë.
“Jeta është jo çdo herë e lehtë. Sidomos kur qyteti është bosh dhe fqinjtë tuaj janë në pushime. Nganjëherë vetmia shkrihet në vaj. Ndonjëherë kjo është si një stuhi verore. Vjen përnjëherë dhe të kaplon të tërin. Jole dhe Michele, ata e duan njëri-tjetrin. Por kur vetmia bëhet barrë në zemër, mund të ndodhë që edha ata të humbin shpresën. Mund të ndodhë, që kësaj here, ata kanë qajtur aq me zë nga dëshpërimi, sa që dikush ka thirrur policinë”, thuhet në postim.
Çifti u tha policëve se Jole ishte mërzitur duke dëgjuar histori të abuzimeve dhe duke parë skena lufte në TV, dhe kishte filluar të qajë i dëshpëruar duke e mërzitur dhe e bërë të pikëlluar kështu edhe bashkëshorten e tij.
“Nuk kishte ndonjë krim. Jole dhe Michele nuk janë viktima të mashtrimit, siç hasim shpesh në punën tonë tek të moshuarit, dhe nuk kishte ndonjë hajdut aty. Nuk kishte asnjë person brenda që duhej të shpëtonim”, vazhdon postimi.
“Këtë herë, djemtë që ishin aty brenda, kishin një detyrë më të vështirë për të kryer. Kishte dy shpirtëra të vetmuar që duhej ngushëlluar. Djemtë kërkojnë leje për t’u futur në qilar. Improvizojnë një darkë të vogël. Një tenxhere me makarona dhe pak parmesan. Asgjë speciale. Por, me një përbërës të çmuar: brenda saj është humanizmi”, thuhet më tej.
Marrë nga: The Indipendent – /tesheshi.com/
