Në kundërshtim të bisedimeve që presidenti Thaçi po zhvillon me homologun serb Aleksandër Vuçiç, Vetëvendosje në 19 vjetorin e masakrës së Krushës së Vogël, zhvilloi një aksion simbolik para objektit të qeverisë ku vendosi një pankartë në të cilën shkruhet se “Thaçi po negocion me Vuçiçin, mbi trupat e tyre” (masakruarve të fshatit Krushë e Vogël).
Vetëvendosje, përmes një aksioni Albana Fetoshi, aktiviste e VV së tha se kanë dal në këtë përvjetor të masakrës t’ia rikujtojnë presidentit Thaçi që me negociata pa kushte po shkelin mbi gjakun e dëshmorëve.
“Sot 19 vjet pas masakrës në Krushë të Vogël kemi dal me ia përkujtuar presidentit që në negociatat pa kushte që po i bëjnë me Serbinë po shkelin mbi gjakun e dëshmorëve. 112 shqiptarë të vrarë në këtë fshat, 19 vjet pas luftës, Serbia ende s’ka kërkuar falje e Thaçi me entuziazëm të pashoq merr pjesë në negociata. Thaçi do të duhej të kërkonte zbardhjen e fatit të pagjeturve e jo të darkojë me Vuçiqin duke bërë temë Kosovën përmes rikthimit të Zajednicës. Ky president po i nënshkruhet Serbisë. Ne s’kemi nevoje për një president të nënshkruar. Kemi nevojë për një shtet të fortë dhe zhvillim ekonomik”, tha ajo.
Kujtojmë se Thaçi po bisedon kokë me kokë me Vuçiçin pa marrë lejen e Kuvendit të Kosovës, për çka opozita po e kritikon për mos transparence. /tesheshi.com/
