Një arsenal i konsiderueshëm i armëve është konfiskuar në gjithë territorin e Kosoës, duke cuar edhe në arrestimin 15 personave të dyshuar. Autoritetet policore bënë të ditur se aksioni ishte ndërmarrë në 10 qendra kryesore, ku edhe është gjetur dhe konfiskuar një sasi e madhe e armëve dhe municionit.
“Arsenal i armëve është konfiskuar nëpër lokacione të ndryshme ndërsa në pranga kemi futur 15 persona të dyshuar të cilët do të intervistohen dhe më pas prokurori i rastit do të vendos për ta”, thuhet në deklaratën e policisë.
Operacioni i koduar me emrin “Shënjestra” është zhvilluar në dhjetëra lokacione të Rajonit të Prishtinës, Ferizajt, Pejës e Malishevës.
Vitin e kaluar, Ministria e Punëve të Brendshme kishte marrë vendim për legalizimin e armëve, duke dhënë afat për legalizim deri në javën që shkoi.
Por prej tash e tutje, në bazë të këtij neni, kushdo që mban në pronësi, kontrollon ose posedon armë në kundërshtim me ligjin e zbatueshëm, dënohet me gjobë deri 7 mijë e 500 euro ose me burgim deri në pesë vjet. /tesheshi.com/
